Mijá bargo

Tuesday, 22 December 2020 at 08:29:00 Central European Standard TimeIektu diehttuj jut dán jage vaddá Arkijvvadåjmadahka ja Sáme arkijvva javllavattáldagáv sáme museajda ja kulturásadusájda: Nåvgå digitaliserit ietjasa arkijvajt.

Saturday, 29 August 2020 at 06:11:00 Central European Summer TimeGå mijá bargge le bargos hæjttám, de hásstalip duv sjaddat mijá ådå barggoguojmmen. Árran jådeduvvá direktøras aktan jådedimjuohkusijn. Mij åhtsåp giellatjiehpev stuoves virggáj. Åhtsåmusmierre:  Bårggemáno 23. b. 2020. Bargguj álggem sjiehtadusá milta.

Sunday, 2 February 2020 at 14:18:00 Central European Standard Time

Wednesday, 19 April 2017 at 13:10:00 Central European Summer TimeÁrranin le åvdåsvásstádus dåjmadit giellaguovdátjav julevsáme guovlon. Julevsámegiella l guovdásj árvvo Árranij ja ulmme l åvddånahttet, nannit ja viehkedit jut giella gullu ja vuojnnusij boahtá julevsáme giellaguovlon Vuonan.

Kulturviesso

Wednesday, 15 February 2017 at 10:35:00 Central European Standard TimeKulturvieso stuoves jahkásasj dåjma li sámevahkko ja sámeálmmukbiejve ávvudallama guovvamáno 6. biejve. Duodden le Árran bájkálasj ásadiddje Åtsådimbiejvijda (Forskningsdagene), mij jahkásattjat rijka miehtáj ásaduvvá ragátmáno gietjen, man baktu ulmutja oadtju iejvvit åtsådiddjijt ja åtsådimij birra gullat. Duodden de aj javllamárnán ásaduvvá jahkásattjat basádis- ja javllamáno målssuma ájge. Kulturvieso baktu lip mij aj kursaj- ja konferánsaj, tjåhkanimij, tiebmáiehkedij, vuosádus, gielladåjmaj ásadiddje. Ja duot dát siebre ja luojvojdisá ávkástalli aj guovdátjav rabásájgij maŋŋela. Dudden de åhpadus- ja tjåhkanimlanjá lájggiduvvi iehtjádijda duojna dájna ulmij.

Thursday, 8 October 2015 at 08:10:00 Central European Summer TimeMusea le akta vuododåjmajs Árran - Julevsáme guovdátjin, ja lej guovdátja vuodobielkká gå Árran ásaduváj. Musea dåjmaduvvá ICOMa museatjielggidusá milta gånnå duodastus ja dutkamus le ájnas barggo. Kultuvrraárbev bisodip gå dávverijt, gåvåjt, duojijt, dájdajt ja tjállusijt tjoahkkip ja vuorkudip ietjama dávvervuorkájn. Ja dav mij vas gaskostip álmmugij vuosádusáj, oahpestimij, dåjmaj, tjállusij ja næhttagaskostimij baktu.

Wednesday, 15 February 2017 at 09:35:00 Central European Standard TimeVuododus æjggu tsiekkadusáv aktan dajvajn (gnr. 60/bnr. 367). Tsiekkadus le tsiggiduvvam låvdagoahtehámijn guvddelin ja gábmáhámijn soadjetsiekkadusáj. Árrana tsiekkadus le guovtevuorruj tsieggiduvvam: vuostasj bále jagen ja nuppe bále jagen 2003. Arkitækta lij Knut Eldby. Tjoahkkáj le ållesareállan sulá 2 000 m2.

Wednesday, 20 April 2016 at 13:11:00 Central European Summer TimeÁrran Julevsáme guovdásj/lulesamisk senter (dán maŋŋela nammaduvvam dåssju "Árran") le dábálasj iesjåmastim vuododus (org. nr. 874 691 402) Ájluovtan Divtasvuona suohkanin, masi Sámedigge, Nordlánda fylkasuohkan, Divtasvuona suohkan, bájkálasj sámesiebre ja Árrana ietjas bargge válljiji stivrav juohkka nælját jage. Vuododusá ulmme le "Árranav æjggut ja dåjmadit nasjonalalasj institusjåvnnån nannit, åvddånahttet ja joarkket julevsáme kultuvrav, gielav ja sebrudakiellemav. Institusjåvnnå galggá ietjas dåjma baktu arvusmahttet ja åvddånahttet åvddånahttet buorre birrusav bájkálasj sáme árvoj ja dábij milta, ja roaddot risstalasj kulturárbev" (bs. § 3 Árrana njuolgadusájn.)