Tsiekkadus

Vuododus æjggu tsiekkadusáv aktan dajvajn (gnr. 60/bnr. 367). Tsiekkadus le tsiggiduvvam låvdagoahtehámijn guvddelin ja gábmáhámijn soadjetsiekkadusáj. Árrana tsiekkadus le guovtevuorruj tsieggiduvvam: vuostasj bále jagen ja nuppe bále jagen 2003. Arkitækta lij Knut Eldby. Tjoahkkáj le ållesareállan sulá 2 000 m2.

Tsieggimvuoro lidjin:

Vuostasj vuoron:

Oajvvetsiekkadus gånnå li museaoasse tjællárin, resepsjåvnnå ja kaféa 1. etássjan, kåntåvrå 2. etássjan ja låpptå 3. etássjan.
B soadje: Bibliotiehkka ja mánájgárdde 1. etássjan)
C soadje: Duodjeåsudahka (1. etássjan ja tjielleretássja)

Nuppát vuoron:

1: Tsiekkadussoadje giella- ja åhpadusdåjmajda
2: Kåntåvrå sámediggáj

Vuododus le aj åmastam duoddedajvav (gnr. 60/gnr. 191) gåsi dåhkki tsieggit ådå mánájgárdev ja návsstev aktan stárfujn.

Stivrra le barggagoahtám "Árran jagen 2020" prosjevtav man ulmmen le dielijt láhtjet Árrana åvddånahttemij dagu muossádim- ja diehtointsitusjåvnnån Árrana 25 jahkásasj ávvudallamijda jagen 2020. Ulmmen tsiekkadusprográmmajn le lasedit Árrana tsiekkadusstuorrudagáv 30% (sulá 600 m2) ja ådåstuhttet ja heibadit dálásj tsiekkadusájt boahtteájge dárbojda.