ELLE-HÁNSSA, HANS RAGNAR MATHISEN LE ÁRVVOGIS JA ÁNSULASJ BÁLKKÁVUOJTTE

Elle-Hánssa, Hans Ragnar Mathisen le árvvogis ja ánsulasj bálkkávuojtte.

14.09.202112:53 Ragnhild Lien Rahka

28.05.2021
  • Árrana bieles sávadip Elle-Hánssaj, Hans Ragnar Mathisenij vuorbev dán jagásj John Savio guddnebálkkájn. Sån le árvvogis ja ánsulasj bálkkávuojtte. Gijttep árvustallijt gå li Árrana oajvvadusáv tjuovvolam, ja gijttep dajt iehtjádijt gudi li aj suvva doarjjum, javllá Árran Julevsáme guovdátja stivrrajådediddje Lennart Mikkelsen gå 2021 jage John Savio bálkkávuojtte almoduváj.

 

Le Gåvvådájddárij Viehkkefoannda mij la John Savio guddnebálkkáv ásadam aktan Sáme Dájddatjiehpij Siebrijn ja Nuortta-Vuona Dájddamuseajn. Sij doajmmi bálkkájuohken juohkka nuppe jage, ja nammadi gålmmå árvustallijt oajvvadusájt guoradalátjit.

 

  • Mijj lip gijttevattja ja mihá gå Hans Ragnar Mathisen nágin jage dán åvddåla oajvveåsijt ietjas dájddagijs, girjijs ja árkijvajs Árranij vattij. Vattáldahka le ájmodis boanndudahka Árranij. Hásstalusá diedon vattáldagáv tjuovvu. Dan diehti gæssáj dájddamagasijnav biggigoahtep. Sámedigge, Nordlánda fylkkasuohkan ja Vuona kulturráde rudálattjat Árranav viehkedi, vaj aj ájmmodip almatjijda duolla dálla dájddavattáldagás vuosádallat, duoddi Lennart Mikkelsen.

Vuollelin lågå Árrana oajvvadusáv dárogiellaj:

https://arran.no/Utdanning/?Article=440 

 

, click to open in lightbox