Árran åhtså åhpadiddjev Mánájårruhij

Mij åhtsåp vissjalis ja dåjmalasj mánájårojåhpadiddjev mijá avta-åssudak mánájårruhij Ájluovtan.
Dijmmá tjavtja jådedijma ådå mánájårruhij gåsstå máhtá Divtasvuona tjáppa vuonav ja luondov várddahit.
Mij sávvap ulmutjav guhti l fágalattjat ja ietjas bieles vissjalis, ja guhti sámegielas ja kultuvras berust, sihtá gielav låpptit, ja gænna l miella stuvssimijda ja sosiála tjehpudahka.

Bájkke: Vuonak Mánájåroj OS, Ájluokta

Åhtsåmmierre: 01.12.21

Bargguj álggem: 03.01.22

Virge stuorrudahka: 100% stuoves virgge

Åhpadusdásse: Mánájårojåhpadiddje

Barggon li:

Mánájårojåhpadiddje galggá barggat mánájårojlága ja oajvveájggomusáj milta.

Sån galggá nannit buorre dáse gáktuj pedagogihkalattjat barggat mánáj.   

Oassálasstet æjgádij aktisasjbargguj åssudagán.

Bagádallambargon oassálasstet

Oasev barggat badjásasj ájggomusáj.

Fágajgasskasasj barggat guoskavasj instánsaj.

Máhtudakgájbbádusá:

3-jahkásasj mánájåroj/åvddåskåvllååhpadus allaskåvlåjs jali universitiehtajs.  

Julevsáme tjálalasj ja njálmálasj giellamáhtudahka.

Buorre jådedimmáhtto

Buorre aktisasjbargoj tjehpudahka

Årrot vissjalis ja dåjmalasj ållesjattuk

Máhttet vuojnnet juohkka ájnegis mánáj dárbojt  

Persåvnålasj máhtukvuoda:

Miella ja berustibme dasi majna barga

Vájmmelisát berustit mánáj vidjurijt

Máhttet tjoavddet dahkamusájt, buorremielak ja huvsulasj

Mánájt, barggoguojmijt ja æjgádijt vieledit

Árran fállá:

Máhttelisvuodajt åhpatjit, sjaddamij ja vuorbástuvvamij

Máhtudaklåpptimav

Tjehpes barggoguojmijt

Oassálastátjit julevsáme mánáj bargguj

Bálkká sjehtadallamij milta

Buorre pensjåvnnå ja buohttidusårniga

Bulkkeduodastusáv hæhttu vuosedit åvddåla virgádime.
Persåvnalasj dågålasjvuohta dættoduvvá.  

Válde aktijvuodav sujna:

Charlotte Paulsen

Tlf. 41082388

charlotte.paulsen@vuonak.no