L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Árran åhtså giellatjiehpev stuoves virggáj. SØKNADSFRIST FORLENGET TIL 11. SEPTEMBER 2020.

Gå mijá bargge le bargos hæjttám, de hásstalip duv sjaddat mijá ådå barggoguojmmen. Árran jådeduvvá direktøras aktan jådedimjuohkusijn. Mij åhtsåp giellatjiehpev stuoves virggáj. Åhtsåmusmierre:  Bårggemáno 23. b. 2020. Bargguj álggem sjiehtadusá milta.

29.08.202006:11 Ragnhild Lien Rahka

Árrana birra

Árran – julevsáme guovdásj ásaduváj jagen 1994 Ájluoktaj Hábmera suohkanin.

Árrana ulmme, nasjonálalasj guovdátjin, le nannit ja åvddånahttet sáme gielav, kultuvrav ja sebrudakiellemav julevsáme guovlon.

Árranin li museadåjma bidum- ja julevsáme guovlon, åtsådimprosjevta, kulturhuonaj, giellaguovdásj, girjjealmmudakdåjma j.i. Vuododusán li 13 jahkevirge. Árran jådet sámegielak mánájgárdev sierra vuollásasjvidnudagán.

Dá institusjåvnå lájggiji barggohuodnahijt Árranin: Sámedigge. NRK Sábme, Nuortta universitiehtta, Statped, Sáme låhkåmguovdásj- Sáme allaskåvllå, Hábmera æládussiebrre, Oarjjelsáme diehtoguovdásj j. i.

Ienep diedojt gávna Árrana næhttasajen: www.arran.no

 

Giellaguovdásj

Árranin le åvåsvástádus dåjmadit julevsáme guovlo giellaguovdátjav. Sámedigge ruhtat dåjmav mij stuorrudahkaj vásstet 1,5 virgev. Julevsámegiella le guovdásj árvvon Árranij ja ulmme le sámegielav åvddånahttet institusjåvnå oajvvegiellan.

Gå mijá bargge le bargos hæjttám, de hásstalip duv sjaddat mijá ådå barggoguojmmen. Árran jådeduvvá direktøras aktan jådedimjuohkusijn. Mij åhtsåp:

 

Giellatjiehpev stuoves virggáj.

Barggon li:

  • Julevsámegiela rádediddjen. Prosjæktajådediddje giellakursajt åvddånahtátjit ja jådedittjat, Rádnastallam (giellabiesse mánájda), giellaásadusáj vásstálasj, julevsáme gijálasjvuoda álmodusá j.n.v..
  • Háldadusdahkamusáj vásstálasj åhtsåmusáj, rapoarttaj, ja jårggålimbargoj hárráj.

 

Bargojs li ållo, valla ráddjiduvvá virggáj biejaduvvam bargge mahtukvuoda milta. Ienep bargijt Giellaguovdátjij lip åttjudime. Ájggomussan le juovnnát aktisasjbargov Hábmera suohkanijn ja iehtjádijn. 

 

Gájbbádusá máhtukvuohtaj:

  • Alep åhpadus julevsámegielan, ja buoragit máhttet julevsámegielav tjálalattjat ja njálmálattjat.
  • Háldusbargoj ja pedagåvgålasj åtsådallama li sávadahtte.

 

Persåvålasj máhtukvuohta:

  • Persåvnålasj dågålasjvuohta virge gáktuj dættoduvvá.
  • Virgen li moattelágásj dahkamusá gånnå iesjrádálasjvuhta la ájnas, muhtu aj ålov aktisasjbargojs iehtjádij ja viehka ålov mássjekedisvuodas.   

Árran fálla:

  • Rijbadahtte bálkáv sjiehtadime baktu.
  • Pensjåvnnå- ja juogosbuohttidus
  • Mánájgárddesajev mijá sámegielak mánájgárden
  • Hiebadahkes barggoájgev.

Jus lagáp diedojt virge birra sidá, de guládalá direktørajn Lars Magne Andreassen, dáj nr. baktu: 75775105 jali 90775275

Åhtsåmusmierre:  Bårggemáno 23. b. 2020. Bargguj álggem sjiehtadusá milta.

SØKNADSFRIST FORLENGET TIL 11. SEPTEMBER 2020.

Åhtsåmus aktan CV sáddiduvvá:

Árran – julevsáme guovdásj/lulesamisk senter, 8270 Ájluokta/Drag, jali dán mejla baktu: poassta@arran.no jali Lma@arran.no 

 

Asgeir Kvalvik, Bårjås 2002
Árran julevsáme guovdásj 1994.