L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Árran julevsáme guovdasj dævddá 25 jage.

Uddni vuoratjismáno 28. Biejve 2020 ávvudallap Árran vuododimbiejve 25 jage. Árran tsieggij ja látjá dilev boahtteájggáj ådå mánájgárdijn, saljojn ja birrusijn ja le åhtsåmin ruohtadimev ådåstuhtátjit oajvvetsiekkadusáv, ådå vuosádusáj, oassásav ja gievkanav ja aj dájddamagasijnajt ja dájddamusiejav.

28.04.202015:00 Ragnhild Lien Rahka

Vuododimtjåhkanimen jagen 1995 lij Divtasvuona suohkana åvdås suohkanoajvve Jann Skogvoll, Nordlánda fylkkasuohkana åvdås fylkkaadvokáhtta Bjørn Richard Monssen ja Vuona stáhta åvdås Fylkkamánne åssudahkajådediddje Roar Arne Kvitvik ja vuostasjkonsulænnta Tor Sande. Háldadusoajvve Filip Mikkelsen lij aj dan tjåhkanimen. Dan maŋŋáj sjattaj stivratjåhkanibme, vuostasj stivran lidjin Skogvoll ja Sande, duodden Aase Falch(stivrajådediddje) Nordlánda fylkkasuohkana bieles, Kjell Arne Mathisen bájkálasj sáme siebrijs ja Sunmar Amundsen barggijájras. Maŋŋáj Sámedigge oattjoj Stáhta sajev. Ja 2020 rájes Hábmera suohkan vállji stivraájrrasav.

Vuododimtjåhkanimen jagen 1995 lij Divtasvuona suohkana åvdås suohkanoajvve Jann Skogvoll, Nordlánda fylkkasuohkana åvdås fylkkaadvokáhtta Bjørn Richard Monssen ja Vuona stáhta åvdås Fylkkamánne åssudahkajådediddje Roar Arne Kvitvik ja vuostasjkonsulænnta Tor Sande. Háldadusoajvve Filip Mikkelsen lij aj dan tjåhkanimen. Dan maŋŋáj sjattaj stivratjåhkanibme, vuostasj stivran lidjin Skogvoll ja Sande, duodden Aase Falch(stivrajådediddje) Nordlánda fylkkasuohkana bieles, Kjell Arne Mathisen bájkálasj sáme siebrijs ja Sunmar Amundsen barggijájras. Maŋŋáj Sámedigge oattjoj Stáhta sajev. Ja 2020 rájes Hábmera suohkan vállji stivraájrrasav.

Árranin le jagij tjadá læhkám moattelágásj dåjma ja moadda ulmutja, máná ja nuora lij bæjválasj dahkamuháv Árranin, juogo de barggen, oahppen jali láhkkimkontåvråv. Álggosuorge lij vilá vuodosuorge; 

  • Musiedjadoajmma (aktan bitámsáme musiedjadoajmma)
  • Kultuvrragoahte
  • Giellaguovdásj (giellakursa)
  • Duodje ja kultuvrraskåvllå
  •  Prosjevta (dutkam ja duodastahttem)
  • Mánájgárdde
  • Lájggogoahte (oanesájgge- ja ájnegasj bargge, Sámedigge, Nuortta universitiehtta, UiT Norgga árktalaš universitehta , Sáme låhkåmguovdásj, Statped - stáhta sierrapedagåvgålasj dievnastusfáladiddje, Hábmera æládussiebrre, NRK Sápmi ja Åarjelsaemien Vierhtiesåafoe)

Árran mánájgárdde le sirdedum ietjas vidnudahkaj gånnå Árran le ájnna æjgát, ja mij lip tsieggimin ådå mánájgárddetsiekkadusáv mij la gárves biehtsemáno 2020.

Ietjá dåjmajs máhttep nammadit gájdosåhpadimen vuodo- ja joarkkaskåvåj mij lij mijá doajmmá 20 jage, báhko almmudahka joarkká ja mij buvtadip guokta stuoves girjjerájdo Bårjås ja Tjálarájddo, duodden mánájgirje.

Árran tsieggij ja látjá dilev boahtteájggáj ådå mánájgárdijn, saljojn ja birrusijn ja le åhtsåmin ruohtadimev ådåstuhtátjit oajvvetsiekkadusáv, ådå vuosádusáj, oassásav ja gievkanav ja aj dájddamagasijnajt ja dájddamusiejav.

Korona dile diehti le Árran stekkan guossijda ja sjaddá vihpat, dan diehti ep máhte ávvudallat gåk lijma ájggom. Valla mij ájggop ráhpat mánájgárdev bårggemáno 2020, ja dåladit seminárav ja sisadno Bårjåsin le Árrana 25-jage histåvrrå.

Mij sávvap de vuorbev bæjvváj allasimme ja didjij ja boahtte 25 jage galggap liehket ájnas guovdásj. 

Árran / Lars Magne Andreassen