L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Guovte mujttotábloj Vánasjsuolluj tsieggidum

Divtasvuona suohkan/Tysfjord kommune gåhttjo guovte mujttotábloj ilmodibmáj ma li Vánasjsuolluj tsieggidum suollu histåvrå diehti almulasj girkkogárdden ja sáme hávddesadjen juo dån dålusj sáme åsko rájes. Bierjjedahka basádismáno 1. biejve 2019.

20.01.202021:27 Ragnhild Lien Rahka

Buorisboahtem suohkanoajvve Tor Asgeir Johansen ja Divtasvuona suohkana/
Tysfjord kommune ávvudallamnammadusá jådediddje John Gunnar Skogvoll.

Mujttotábloj ilmodibme girkkogárden ja sáme hávddesajen suohkanoajvve Tor Asgeir Johansen, Linda Jessen ja Eva Iselin Solstrøm

Hålla, råhkålvis ja buorissjivnnjedibme prost i Ofoten Jan Erik Kimo Jørgensen.
Sálmma Nærmere deg, min Gud
Sálmma De biejvve, Kalle Urheim

FIESSTIDALÁDUM GIRKKOGÁRDDE

Vánasjsuoloj fiesstidaláduváj almulasj girkkogárdden moarmesmáno 14. biejve jagen 1876.
Badjel 200 ulmutja lidjin dalloj tjoahken dáppe. Ålles 18 juvlliduvvin dan sæmmi biejve.

Fiesstidaládum guovllo lij birrusij 2.470 m2 muorrajerajn biráldis. Ednamin lij gåjkkå sáddu mij lij nuoges tjiegŋalis váj ullá ij válldám, nav de adnin dav vuohkasin. Gálmmegoadásj tsieggiduváj gånnå ienemusát nælljásij lij sadje. 

Vánasjsuoloj lij girkkogárdde gitta jahkáj 1910 gå dåt Gásluovta guovdátjin fiesstidaláduváj. Muhtem gaskav lij sihke Vánasjsuoloj ja dåt oabme girkkogárdde Ornjárgan anon sæmmi ájge. 

Vánasjsuolluv aj guohtomednamin adnin. Ulmutja li aj álu tuvrajt dåhku vuolggám.

SÁME HÁVDDESADJE

Vánasjsuoloj la læhkám sáme hávddesadje juo dån dålusj sáme åsko ájges. Jages 1876 gitta
birrusij 1910 lij suoloj fiesstidaládum ja anon almulasj girkkogárdden Divtasvuonan.

Iesj namma Vánasjsuoloj duodas sihke anov ja stáhtusav. Sáme guovlojn, degu ietján merragáttijn, lij dábálasj dålen ulmutjijt suollujda hávddádit. 

Tjerdadutkama aktijvuodan ájggudagán 1912-1939 váldeduvvin dáktebátsidisá Vánasjsuollus ja ietjá sajijs Divtasvuonan, sæmmi láhkáj degu moattet ietjá sajijs nuorttan. Dáv dahkin váni gatjádik guoskavasj familjajs.

Vil uddnik li dá dáktebátsidisá Oslon oassen De Schreinerske samlinger dávverijs.

PROGRÁMMA GIRKKON
Káffa ja guossodibme kl 11.30 Gásluovta girkkon
Buorisboahtem ja hålla Divtasvuona suohkana/Tysfjord kommune ávvudallamnammadusá jådediddje, John Gunnar Skogvoll

Nor-Trykk subtsas gåktu li mujttotábloj buvtadimijn barggam, bæjválasj jådediddje Bengt Berntsen

Håla:
Kultuvra, æládusá ja åvddånahttema jådediddje Divtasvuona suohkanin/Tysfjord kommune, Lars Filip Paulsen
Maŋeldisbuolvaj åvdåstiddje, Ingar Nikolaisen Kuoljok

Gájka gudi sihti, bessi hållat
Gájka li buorisboahtema, sihke Vánasjsuolluj ja girkkuj.

Divtasvuona suohkana/ Tysfjord kommune

Vánasjsuolo / Lappholmen Lis Mari Hjortfors, Árran
Ragnhild Lien Rahka, Árran
Siv Sinonsen, Nor-Trykk, Narvik