Rádnastallam - 5 jage!

Dán jage l Rádnastallam 5 jagijt ávvudam. Biehtsemáno 7.bve gåhtjoj Árran Giellafæsstaj – ávvudibmáj giellaprosjevtas mij la vuorbástuvvam vuostasj biejve rájes. Sjattaj hávsskes båddå grillbiebmoj ja ietjá ássvasij.

Rádnastallam la sámegielak asstoájggefálaldahka, gånnå «ájnna» njuolgadus le: dánna galggap sámástit. Tjielgga mierij baktu galggi divna bessat oassálasstet ietjaska gielladásen.

- Dát la læhkám geldulasj manno gájkajda. Vuojnnep máná li ávvudallam fálaldahkaj. Sij li hálijdam sæbrrat, sij li hálijdam sámástit. Árrana bieles lip edna bargov dahkam vuorbástuvátjit. Giellabarggo gájbbet kontinuitehtav ja tjielgga strategiajt, javllá giellaguovdátja jådediddje Ingrid Kintel.

Aktisasjbarggo sijdajn ájnas oasse

Rádnastallam-bagádalle li barggam mánáj ja æjgádij vuossti divna vihtta jagijt, ja sijá vuojno milta ællim læhkám biellemutton æjgádij dagi. Vásádusá juohkka juohkusin vuosedi måvtåstuhttem sijdaj vuolijn nanni giellabargov åbbålattjat, gå máná bessi vuojnnet æjgáda sæbrri jåvsåtjit ulmev mav Rádnastallam la biedjam.

- Sihtap gijttet æjgádijt buorre aktisasjbargos. Gijtto gå válldebihtit oasev giellabargos sijdajn -juska dal soajttá ienemusát ietja dárustihpit, hæjttá Kintel.

Rádnastallam joarkká tjaktjaj.

Rádnastallam-bargge 2018:

Ingrid, Olga, Tobias, Sivert, Trond Edvard, Arnhild, Aleksander, Christel

Ienep Rádnastallam-prosjevta birra dánna

Guládalá: Giellaguovdátja jådediddje Ingrid Kintel, tlf 970 19 253, e-post: ingrid.kintel@arran.no