L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Bårjås 2017/2018 Dávvera ja mujttalusá

Bårjås 2017/2018 le oassásin javllamáno 21. biejve rájes. Árranin le aj rahppot ruohttaiehkeda 24.12 biejven gassko kl. 10.00-12.00 ja basij gaskav, javllamáno 27.biejve ja 28. biejve gassko kl.10.00-14.00. Dån máhtá aj diŋŋgut mijá næhttaoassásis www.arran.no jali rája diŋŋgumav poassta@arran.no, jali rinngu 75 77 51 00.

20.12.201811:00 Harrieth Aira

Dávvera ja mujttalusá

Divna mijá låhkkijda gudi Árrana sahtediedalasj ájggetjállagav vuorddi, ja ådå låhkkijda.  Dán jagásj Bårjås gåbttjå jagijt 2017 ja 2018, ja gåhtjoduvvá  Dávvera ja mujttalusá.

Moadda tjállusijs li dávverij ja duojij birra dagu Bååstede-prosjevta ja dávvertjoahkke birra mij máhtsaduvvá Norsk folkemuseas Árranij, Skjoldehamnbiktasij birra ja gatjálvis mij lulu dáj biktasij vuodo ja sáme gådemdábij birra.

Jagen 2017 lej tjuohte jahkegávdda dallutjis gå sáme ásadin vuostasj rijkkatjåhkanimev Roandemin. Dán tjåhkanime duogen lij Elsa Laula Renberg, ja mij oahpástuvvap lagábut dán dåbdos sáme politihkkárij. Ietjá ájnas sáme nissunpolitihkkár lej Karin Stenberg, gut ij lim jur dåssju sáme politihkkár, valla aj viehka tjiehpes subtsastiddje ja juojgge. 

“Tjærddalasj” mihttima ja daj álggo ja åvddåhiståvrrå giehtadaláduvvi vuodulattjajt guokta tjállusijn gånnå giehtadaláduvvá duogátjav dán guoradallamhiståvrråj ja gatjálvisá majt sij gávnnin. 

Ietján diededip båhtusijt dutkamprosjevtas ≪Álggoálmmuga ja luonndoluohkkoj ávkástallam Arktisin: Etalasj njuolgadusáj árvustallam≫ mij ålliduváj jagen 2017, mij vuojnnu gå girjje Markens Grøde lågåduvvá sámij tjalmij, ja mij oahpástuvvap muhtem doarromujtojda Tjihkkomluovtas ja Gásluovtas, Divtasvuonan. 

Dán jagásj Bårjjåsa skálmmágåvvå le goabdes. Goabdes gullu dålusj sáme åsskuj. Dát goabdes gávnaduváj “gierge vuolen” Hábmerin jagijn 1880-1890, ja le akta dávverijs mij Árrana museaj boahtá Bååstede-máhtsadimprosjevta aktijvuodan. 

Dán jagásj Bårjjåsin li moadda geldulasj tjállusa ma vaddi ådå diedojt moatten aktijvuodan. Så mij ávttjip oahpástuvátjit dán jagásj almodibmáj. Dat máksá 200,- kr. ja le hiebalgis javllavattáldahka mij båktå låhkåmhávsskudallamijt ja buktá ådå diedojt.

 

Harrieth Aira
Bårjås 2017/2018
Harrieth Aira