Histåvrålasj sjiehtadus vuollájtjáleduváj – sáme kultuvrraárbbe máhttsá sijddaj

Vuollájtjállem dáhpáduváj RDM-Guovdageaidnu gilisjaljon, Guovdageainnon.

Dát dáhpáduváj jur biejven gietjav jage maŋŋel gå aktisasjbarggosjiehtadus máhtsadahttet dávverijt vuollájtjáleduváj Kárášjågån biehtsemáno 19. biejve jagen 2012. Sjiehtadusáv vuollájtjállin Sámedikkepresidentas Aili Keskitalo, direktørajs guokta vuona museajns ja sáme museaj ájrrasijs.

Direktørra Lars Andreassen vuollájtjálij sjiehtadusáv Árran julevsáme guovdátja åvdås.

Allaárvvusasj båddå lej Guovdageainno gilisjaljon gå sjiehtadusá vuollájtjáleduvvin, ja dat lij ållu hávsske bessat oassen dát histåvrålasj dáhpádusás.

Bååstede – sáme kultuvrraárbe máhtsadibme

Máhtsadimprosjækta Bååstede – lávkki ájnas lávkev boahtte ájggáj gånnå sáme ietja galggi háldadit ja gaskostit ietjasa kultuvrraárbev, ja dájna sjiehtadusájn de la prosjevta vuostasj oasse ålliduvvam.  

1800- 1900-lågojn tjoakkeduvvin 4200 gálvo ja dávvera ålles Sáme ednamin Universitehta Etnográffa museaj Oslon, mij maŋŋel sjattaj oassen Kultuvrrahiståvrålasj Musean. Dá museadávvera maŋenagi deponieriduvvin Vuona Álmmukmusean. Ienemus oasse dát sáme dávvertjoahkkes Oslon sjaddin dájn museajn åvddål gå sierra sáme institusjåvnå lidjin ásaduvvam.

Máhttsi sijddaj

Dávvera galggi dal sjaddat oassen ietjasa sijda giella- ja kultuvrrabirrusij, ja navti liehket fáron ådåstuhttemin duola dagu duojev ja gielav ja gaskostime kultuvrrahiståvråv genga guovlojn gåsi gulluji.   

Navti sjaddi da diehtobánnkan sáme álmmugij gudi láddáduvvamájgen massin stuorra oasev ietjasa kultuvrraárbes.  

prosjektets første del gjennomført

Huoman le dárbbo rudájda sáme museaj vuorkájt ådåstuhtátjit ja vuosedimlanjájt stuoredittjat, ja aj nannitjit máhtudagájt dájn museajn váraj váldátjit dájt museadávverijt. Divna dát viertti sadjásis åvdås kultuvrraárbbe máhttá sijddaj máhttsat.  

Lågå ienebuv (mediatjállusa):

NRK: https://www.nrk.no/sapmi/1600-historiske-kulturskatter-skal-tilbake-til-sapmi.-koster-titalls-millioner.-1.14591516 

Avisa Nordland: https://www.an.no/tysfjord/samer/kultur/historisk-samisk-avtale/s/5-4-1028452?fbclid=IwAR0zbi6Hl2ERRWfeoDP1yAT26YmBXh_lnlUnoYZ1Nyvx7K8Rh7lgPDzuzug

Sámedigge: Hålla Bååstede-sjiehtadusá vuollájtjállema aktijvuodan: 

https://www.samediggi.no/Odasarkiiva/Sardni-Baaaastede-sami-kulturarbbi-mahcaheami-siehtadusa-vuollaicallimis?fbclid=IwAR1P4HoJ5cR2DyyHwEEf8uLuyrPvl1IUlQVWg5WF91eFsRIOlXLOwADcyOk

Lågå ienebuv Bååstede-prosjevta birra: https://arran.no/musea/?Article=78