Tjálos: Láttagahttem – sáme árbbedábálasj máhtudahka, identitiehtta ja kultuvrra
Árrana ájggetjállagin Bårjås 2020/2021 máhtá låhkåt båhtusijt dutkamprosjevtas «Tjoaggemdábe merrasáme guovlojn".
Vuostasj båhtusa avta Árrana moadda dutkamprosjevtajs «Making knowledges visible – Tjoaggemdábe merrasáme guovlojn” li dálla almoduvvam.
Artihkkalin Láttagahttem – sáme árbbedábálasj máhtudahka, identitiehtta ja kultuvrra majt guoradalle ja prosjevta oassálasste Harrieth Aira la tjállám, tjielggiduvvi dábe ja subttsasa ma láttagahttemijda gulluji Divtasvuona sámij gaskan, Nordlándan.
Dá dábe máhtti dádjaduvvat vuonabiele julevsámij identitiehtas ja kultuvras ja gånnå duobddága gåsi sij gulluji dádjaduvvi fuolkij sijddan ja ruohttsan ietjasa sámevuohtaj.
Artihkal la julevsámegiellaj ja Samuel Gælok la artihkkalav dárruj jårggålam.
Ártihkkalaijt máhtá vuollelin låhkåt sábmáj ja dárruj.
Bårjås ájggetjállagav diŋŋgu dánna: Oasestit Bårjås 2020/2021
Dát guoradallamprosjækta la moattejahkásasj aktisasjprosjækta gaskan niellja institusjåvnå ma li Árran, Mearrasiida, Norsk institutt for naturforskning (NINA) ja Sámi allaskuvla, ja Sámi allaskuvla prosjevtav jådet.
Dánna máhtá låhkåt ienep diedojt prosjevta birra: Tjoaggemdábe, bájkij namá, giella ja subttsasa.
