Direkterra Árran Julevsáme guovdátjij

Virggenammadus: Direkterra Árran Julevsáme guovdátjij

Bájkke: Árran Julevsáme guovdásj, Ájluovtan Hábmera suohkanin

Åhtsåmájggemierre: 17.snjuktjamánno 2024

Árrana birra: Árran Julevsáme Guovdásj le nasjonálalasj sáme institusjåvnnå, ásaduvvam várjjalittjat, åvddånahtátjit, ja bisodittjat julevsáme kultuvrav, gielav ja sebrudakiellemav. Guovdátjin le mávsulasj viddno sebrudagáv nannitjit kultuvralasj gaskostime-, dutkama,- åhpadime- ja sebrudaklåpptima baktu. 

Virge birra: Åhtsåp vittjos ja sávres direkterav jådedittjat ja åvddånahtátjit guovdátja ájggomusájt. Jådedit ja hábbmit dán mávsulasj kulturásadusá boahtteájgev, sjaddá guovdásj viddnon direkterraj.  

Jahkegávddavirgge: Nielje jahkáj máhttelisvuodajn nieljijn jagij vas joarkket.

Oajvvedahkamusá:

• Árranav jådedit vidnudagá ulmij ja strategijáj milta.
• Åvddånahttet ja tjalmostahttet institusjåvnåv, ierit itján teknologijja ja digitála tjoavddusij adnema baktu.
• Vásstálasj buorre ruhtaháldadibmáj ja diededibmáj, aktan budsjehtajt ja ájggegasskasasj ruhtalågojt dahkat.
• Sihkarasstet buorre sisŋeldis guládallamav ja buorre barggobirrasij vájkkudit.
• Åvddånahttet ja bisodit aktisasjbargov guoskavasj bájkálasj-, guovlulasj-, nasjonálalasj-, ja  rijkajgasskasasj oassálasstij. 
• Åvddånahttet ja jådedit prosjevtajt ma guovdátja ulmijt nanniji.
• Guovdátjav iesj guhtik láhkásasj guovdojn åvdåstit.

Åhpadus ja máhtukvuohta:

Sujna guhti virggáj biejaduvvá vierddi liehket:

• Guoskavasj alep åhpadus
• Jådedimåtsådallama, åvdemusát kulturásadusájs jali muodugis siebrijs
• Buorre dåbddo sáme kultuvrraj, gielajda, ja sebrudakiellemij

Duodden la sávadahtte juhte sujna gut virgáduvvá le:

• Julevsáme giellamáhtudahka. Jus ij, de åhttse vierddi ietjas vælggogissan dahkat giellamáhtudagáv åmastittjat.
• Nanos guládallam- ja aktisasjbarggovaddusa.
• Strategijjálasj ájádallamvaddusa ja mierredimdábmugis
• Buorre ruhtadusdádjadibme ja ruhtastivrrimvásádusá.
• Buorre digitála tjehpudahka

Tjuovvovasj persåvnålasj almasjvuoge dættoduvvi:

• Berustiddje ja vájmmel várjjalittjat ja nanusmahttet julevsáme kulturárbev
• Máhtukvuohta måvtåstuhttet moattebelak juohkusijt
• Åskåldis ja tjielgugis jådediddje
• Mássjkis ja tjoavdosåhttse
• Buorre guládallamvaddusa, ja dájddo værmádagájt ásadittjat, ja sisŋeldis ja ålgoldis luohtádusáv háhkuhit

Fállap:

• Niddo máhttelisvuodav jådedittjat ásadusáv nasjonálalasj mierkkidusájn
• Hásstaliddje ja ávkálasj jådedimvirgev
• Ielle ja sebrudahtte barggobirrasav barggij alla máhtudagájn
• Barggoævtojt ma gilbbusav gierddi
• Almulasj virggepensjåvnnå ja dáhkádusårdniga KLP:an
• Bálkká sjiehtadusá milta

Åhtsåmájggemierre: 17.snjuktjamánno 2024

Jus dárbaha ienep diedo, de válde aktijvuodav stivrajådediddjijn Amund Eriksen tlf. 414 75 680, jali mijá rádevaddijn Eivind Hellevik tlf. 906 14 830

Åtsålvis rájaduvvá diehki: Direktør for Árran Julevsáme guovdásj (258767) | Arran lulesamisk senter (jobbnorge.no)