Árrana birra
Árran – julevsáme guovdásj ásaduváj jagen 1994 Ájluoktaj Hábmera
suohkanin.
Árrana ulmmen le årrot nasjåvnålasj guovdásj mij nanni ja åvddånahttá
sáme gielav, kultuvrav ja sebrudakiellemav julevsáme guovlon.
Árran jådet museadåjmajt bidum- ja julevguovlojn, åhtsåmprojevtajt,
kulturhuodnahav, giellaguovdátjav, almmudakdåjmajt j.n.á.. Vuododusán
li 13 jahkevirge. Árran doajmmá sámegielak mánájårruhav sierra
vuollásasjvidnudahkan.
Barggohuodnaha lájggiduvvi Sámediggáj, NRK Sábmáj, Hábmera
suohkanij, Nuortta universitiehttaj, Statsped:aj.,Sáme låhkåmguovdátjij-
Sáme allaskåvllåj, Hábmera æládussæbrráj. Oarjjelsáme máhttoguovdátjij
j.n.á.
Ienep diedojt Árrana birra gávna dánna: www.arran.no
Museadoajmma le akta Arrana åssudagájs. Ulmmen le irit ietján doåjmadit sáme museav ICOM:a mihtoj milta. Sámedigge le sámemuseaj háldadusoajválasj ja jagen 2007 oattjoj Árran museavásstádusáv julv- ja bidumsáme guovlon.
Dálla li museadåjman 6 jahkevirge tjoahkkáj. Duodden li doarjjadåjma aktisasjháldadimes mij gullu barggij háldadimijda, ekonomijjaj ja teknihkalasj dåjmajda. Julevsámegiella le guovdásj árvvon Árranin ja museadåjman ja danen galggá åvddånboahtet bargon.
Museajådediddje.
Museadåjma fágalasj ja háldadimbargoj jådedibmáj, le stuoves virgge Museajådediddjen rabás. Museajådediddje le Árrana jådedimjuohusin gånnå li direktørra, kåntåvrråjedediddje ja ruhtadimvásstediddje.
Barggon li:
o Jådedit museadåjmav julev- ja bidumsáme guovlon.
o Dárkestit, tjuovvolit ja tjadádit museaájggomusájt.
o Museabarggijs vásstádus.
o Ruhtadimvásstádus åssudagás.
Máhtudak gájbbádusá:
o Åhpadus binnemusát masterdásen sebrudakdiedalasj jali kulturhiståvrålasj fágajs.
o Jådedimåhpadus ja/jali jådedimåtsådallam li sávadahtte.
o Sáme kulturmáhtudahka ja sámegielmáhtudahka.
o Guoskavasj barggoåtsådallama. Åtsådallama museabargojs li sávadahtte.
Persåvnålasj máhtukvuoda:
- Persåvnålasj máhtukvuohta dættoduvvá.
- Virgge gájbbet duov dáv barggodahkamusájt ma gájbbedi ållo aktisasjbargov iehtjádij ja edna mássjkedisvuodav.
- Mij dættodip sidá åvddånahttemav- ja båhtusijt jåksåt, le strategalasj, iesjrádálasj ja doajmmelis.
Árran fálla:
-
Gilbustalle bálkáv sjiehtadime milta.
-
Pensjåvnnå- ja juogosbuohttidusáv KLP:an
-
Sámegielak mánájårruhin sajev
-
Hiebadahkes bárggoájgev.
Jus sidá lagáp diedojt virge birra, de válde aktijvuodav direktørajn Lars Magne Andreassen tlf. 75775105 jali 90775275
Åhtsåmmierre gålgådismáno 11. biejve jagen 2021. Bargguj álggem maŋŋela 01.01.2022
Åhtsamus aktan CV:ajn sáddiduvvá:
Árran – julevsáme guovdásj/lulesamisk senter, 8270 Ájluokta/Drag, jali dán mejla baktu: poassta@arran.no jali Lma@arran.no
