L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Láddimprosjækta – mij dáhpáduvvá?

Láddim – ja tjoaggemprosjækta mij snjuktjamáno 2019 álgaduváj le riek buoragit dåjman.

20.01.202011:10 Harrieth Aira

Snjuktjamáno 2019 álgadij Árran aktisattjat gålmmå ietjá dutkamguojmij ådå dutkamprosjevtav ålggo (miehttse- ja várre) dåjmaj- ja dábij, bájkenamáj, sámegiela ja subttsasij birra duola dagu Divtasvuonan. 

Dála ienep diedo dán prosjevta birra.

Dallutjis la prosjevtajuogos/dutkamjuogos mierredam mij galggap duolloj-dálloj diededit prosjevta åvddånimev sierra bloaggatjállusij baktu. Bloagga baktu hálijdip diededit dåjmaj birra ma tjadáduvvi prosjevtan ja diedulattjan dahkat árbbedábálasj máhtudagájt vuona- ja merrasámij sebrudagájn.

Dála vuostasj bloaggatjálos prosjevtas Divtasvuonan. Tjuovo mijáv vijddábut.

Prosjevta åvddånibme

Dallutjis gå prosjækta álgaduváj snjuktjamáno dijmmá, le prosjevta Divtasvuona-oasse ságastam ulmutjij ja ságájdahttám ulmutjijt giesen ja tjavtjan 2019.

Da li ulmutja gudi láddiji ja muorjjiji juohkka jage. Muhtema sijájs aj tjoaggi ietjá sjattojt. Moaddása sijájs aj ednagav dåbddi ja diehti sámij láddim- ja tjoaggemdábijs 1950-lågos gitta udnátjij.

─Mån lav de viessomájgev muorjjim, ja mån muorjjiv vilá, maŋemusát dán giese muorjjijiv.

─ De li láttaga ma li ájnnasamos muorje munji.

(Subtastiddje, nissun Divtasvuonas).

Viesso árbbedábálasj máhtudahka

Da li aj tjoahkkiduvvam bájkenamá ja subttsasa árbbedábij milta, ja subttsasa vuosedi árbbedábe li oase ulmutjij bæjvvásasj viessomis.  

Muhtem duodde ságájdahttema galggi ájn tjadáduvvat. Ja doajvomis lulu boahtte láddimjage máhttelis tjuovvot náginav sijájs jæggáj ja várráj vaj tjuovvot láddimav “live” gå li láddimin ietjásij duobddágijn. 

Dá diedo galggi de dás-duohku tjadáduvvat ja systematiseriduvvat vaj buvtitji lassediedojt dájda dábijda sámij gaskan Divtasvuonan.

Dát la viesso árbbedábálasj máhtudahka mij la riek geldulasj bessat tjuovvot ja oassálasstet.

Gijtto gájkajda gudi dálátjij li diedojt juohkám dán prosjæktaj!

Ienep diedojt vaddá Harrieth Aira, Árran Julevsáme guovdásj,

e-poassta: harrieth.aira@arran.no,  tlf. 99 04 73 56.

Harrieth Aira
Harrieth Aira