L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Virggealmodus pedagåvgålasj jådediddje

Le gus dujna miella mánáj barggat ja sidá mijá julevsáme mánájgárden barggat?
Mij åhtsåt tjiehpes ja dåjmalasj mánájgárddeåhpadiddjev mijá avtaåssudak-mánájgárddáj Ájluovtan. Mij lip tsieggimin ållu ådå mánájgárdev, ja gidán jagen 2020 jåhtep mij dasi mijá ådå guovteåssudak-mánájgárddáj gåsstå vuojnnep dáv tjáppa Divtasvuonan. Mij sávvap duv guhti le fágalasj ja ietjastit bieles berustime sáme gielas ja kultuvras ja sidá gielav, ståhkamav ja sosiála máhtudagá låpptimis oasev válldet.

27.05.201909:23 Birgit Åshild Andersen

Bájkke: Árran mánájgárdde AS, Drag

Åhtsåmmierre: 10.06.19

Virggáj álggem: 19.08.19

Virggenammadus: Stuoves virgge ållesájggáj.

Åhpadusdásse: Mánájgárddeåhpadiddje

Virge birra

Le gus dujna miella mánáj barggat ja sidá mijá julevsáme mánájgárden barggat?

Mij åhtsåt tjiehpes ja dåjmalasj mánájgárddeåhpadiddjev mijá avtaåssudak-mánájgárddáj Ájluovtan. Mij lip tsieggimin ållu ådå mánájgárdev, ja gidán jagen 2020 jåhtep mij dasi mijá ådå guovteåssudak-mánájgárddáj gåsstå vuojnnep dáv tjáppa Divtasvuonan. Mij sávvap duv guhti le fágalasj ja ietjastit bieles berustime sáme gielas ja kultuvras ja sidá gielav, ståhkamav ja sosiála máhtudagá låpptimis oasev válldet. 

 

Barggodahkamusá

Åssudagá háldadus ja pedagåvgålasj vásstediddjen. Bagádit ja doarjjot ietjá barggijt pedagåvgålasj bargojn. Dån vássteda aj juhte buorre aktisasjbarggo ja bæjválasj aktijvuohta æjgádij/åvdåstiddjij le ja æjgátságastallamijt jådeda. Plánit, tjadádit ja árvustallat mánáj árggabiejvev, biejvvedåjmajt ja mánnoplánajt. Vásstedit juhte juohkka akta mánná berustaláduvvá, gåtseduvvá ja jasskavuodan le. Dån aj vássteda jahkeplána tjadáduvvi ja árvustaláduvvi, aktan jådediddjijn. Dujna le vásstádus åssudagá aktisasjbargos, bagádallamis ja juhte mánájgárddeláhka ja ålgoldisævto pedagåvgålasj bargo baktu dievdeduvvi. Oassálasstet åssudagá bæjválasj bargguj. Væhkádallat oattjotjit buorre aktisasjbargov mánájgárddáj buorren.

 

Åhpadus ja máhtudagá

3-jahkásasj mánájgárdde/åvddåskåvllååhpadus allaskåvlåjs jali universitiehtajs

Julevsámegiela máhtudahka, njálmálattjat ja tjálalattjat

Buorre jådedimmáhtukvuoda

Buorre aktisattjat bargatjit

Viertti årrot dåjmalasj ja oassálasste ållessjattuk

Tjiehppe liehket juohkka ájnna máná ja sijá dárbojt vuojnátjit

 

Persåvnålasj máhtukvuoda

Vájmulasj berustibme dasi majt barga

Berustibme ja oassálasstem mánáj árggabæjvváj

Tjoavddusij åhttse, mielos ja huvsulasj

Vieledus mánájs, barggoguojmijs ja åvdåstiddjijs

 

Mij fállap

Máhttelisvuodajt åhpadussaj, sjattatjit ja vuorbástuvátjit

Máhtudaklåpptimav

Tjiehpes ja dåjmalasj barggoguojmijt

Julevsáme mánájgárddefálaldahkaj oassálasstemav

Bálkáv sjiehtadusáj milta

Buorre pensjåvnnå- ja buohttidussjiehtadusájt

 

Bulkkeduodastus hæhttu åvddånbuvteduvvat åvddåla virggáj biejaduvvama.

 

 

Guládallam ulmusj le

Jådediddje Birgit Andersen

Tlf. 90683009

birgit.andersen@arran.no