L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Ådå dutkamprosjækta: Ålggo-, miehttse- ja várredåjma- ja dábe, bájkenamá, sámegiella ja subttsasa

Árran Julevsáme guovdásj álggá ådå dutkamprosjevtajn ålggo (miehttse- ja várre) dåjmaj- ja dábij, bájkenamáj, sámegiela ja subttsasa birra Divtasvuonan. Prosjækta le aktisasjprosjäkta gålmmå ietjá dutkamaktisasjguojmij ja prosjevta guovddo le guoradallat miehttse- ja ålggodåjmajt- ja dábijt merrasáme guovlojn.

12.04.201913:37 Harrieth Aira

Prosjækta le aktisasjbarggo gaskan Sámi allaskuvla, Árran Julevsáme guovdásj, Mearrasiida ja Norsk institutt for naturforskning (NINA), ja aktisattjat prosjæktaguojmij/tjiehppeguojmij ma li dutke Sámi allaskuvlas, Råmså universitehtas ja University of Saskatchewan, Canadas.

Prosjevtan li gålmmå válljiduvvam dutkamguovlo:

Divtasvuodna, Porsángu ja Várjjat.

Vuona dutkamráde, Sáme dutkamij prográmma III le prosjevtav ruhtadam mij galggá vihpat gålmmå jage.

Oasse prosjevta tjoahkkájgessusis:


Dán prosjevta guovddo le guoradallat miehttse- ja ålggodåjmajt- ja dábijt merrasáme guovlojn Vuonan.

Moattefágalasj lahkanimvuoge baktu, sebrudakdiedalattjat ja gielalattjat, gatjádip mij: ma littji udnásj ålggo-, miehttse,- ja várre dåjma- ja dábe merrasáme guovlojn, ja majt merkahi da ulmutjijda? Mij guoradallap gåktu máhtudahka/diehto boahtá åvddån sámegielan, subttsasij ja bájkenamáj baktu.

Oassálasstem vaddá dádjadusáv ulmutjij “sjávo” máhtudagájda, ja dán prosjevtan hálijdip oassálasstet moattelágásj dåjmajda. Duodden hálijdip ságastit måttijt ulmutjij/diedediddjij, nissunij ja ålmmåj, ájnegattjat ja aktisattjat.

Bájkálasj giellaressursa galggi viehkedit bagádalátjit bájkenamáj ja nammadusájt tjielggitjit ja dádjadittjat.

Prosjækta sjaddá duodastit, guoradallat ja dåhkkidit moattelágásj ålggodåjmajt ja dábijt, sierraláhkáj muorjjimdábijt- ja dåjmajt ja månnetjoahkkimdábijt (mij sjaddá guoradaláduvvat Porsángon), sierra oassen merrasáme guovloj ja merrasámij hárjjánimijda ja åtsådallamijda.

Dá ælla dálátjij bárep guoradaláduvvam diedalattjat, ja dákkir dábe merrasáme guovlojn ælla ga bárep diedalattjat guoradaláduvvam.

Dán láhkáj prosjækta buktá ådå máhtudagájt ja diedojt ájnnasa sáme sebrudagájda, vuona sebrudahkaj ja rijkajgasskasattjat iemeálmmukkontevstan.

Gå prosjækta dættot goappátjagá nissunij ja ålmmåj dåjmajt ja dábijt, de prosjækta aj duodden buktá ådå diedojt sáme nissunij ålggodåjmajda Sámen (Sáme ednamin).

 
Oassálaste


Prosjæktajådediddje: Solveig Joks, Sámi allaskuvla, Guovdageaidnu.

Ietjá oassálaste: 
Harrieth Aira, Árran
Stine Rybråten, NINA
Svanhild Andersen ja Steinar Nilsen, Mearrasiida

Jorunn Jernsletten, Varjjat Sámi musea

Tjiehppejuogos:

Dutke Sámi allaskuvlas: Kaisa Rautio Helander, Mikkel Nils Sara, John Law.

Dutke Råmså universitehtas: Britt Kramvig, Jens Ivar Nergård.

Dutke University of Saskatchewan, Canadas: MJ Barrett.

Prosjækta álgij/álggotjåhkanibme lej njuktjamáno 5. ja 6. bve., Sáme allaskuvlan, Diehtosiidan, Guovdageainnon.

Ienep diedo prosjevta åvddånimes boahtá maŋenagi.

Jus hálijda ienebuv diehtet jali jus dujna le juoga majt sidá juogadit mijáj, válde aktijvuodav:

Árran, museajådediddje Harrieth Aira, e-poassta; harrieth.aira@arran.no, tlf. 99 04 73 56 jali 75 77 51 24.

 

Harrieth Aira