Duodjuhibme ja sámegiella

Åhpadusgiella: Julevsámegiella. Åhpadibme máhttá aj ietjá sámegielajda, skandináva jali ieŋŋilsgiellaj. Åhpadibme máhttá dárbo milta dålkkuduvvat. Åhtsåmájgge vuoratjismáno 15. bve. 2019.

Samisk høgskole starter opp med delemne i duodje på Drag høsten 2019 forutsatt tilstrekkelig antall søkere. Undervisningsspråk lulesamisk. Søknadsfrist 15. april 2019.

03.04.201916:09 Ragnhild Lien Rahka

Vijddudahka:                 15 oahppotjuorga

Åhpadusbájkke:            Åhpadus ásaduvvu Ájluovtan.

 

Sisadno

Oahppo álgaduvvá dajna ævtojn jut li nuoges åhttse.

Duodje ja sámegiella-oahppo sisadná duojev ja dan guoskavasj sámegiela njálmálasj ja tjálalasj hárjjánimev, maj studænnta ietjas duodje- ja giellamáhtov tjieggŋot.

Oahppo dættot adnoduojev, sæmmi båttå studænnta bæssá dåjmalattjat sámástit duodjuhahttijn. Duodjeåhpadusán tjieggŋot muhtem sierralágásj hábbmim- ja duodjuhimvuogijda ja gæhttjal ábnnasijt, teknihkajt ja vædtsagijt.

Duoje ja duodjuhime vuolggasadje le luonndo- ja kulturbirrasa lahkusin ja duodjedábe ma dajda gulluji. Hábbmimij lahkanip guoddelis designperspektijvas. Giellaåhpadibme dættot duodjeterminologijav, såjådimåhpav ja gárgadisåhpav mij galggá ávkken boahtet gå duodjuhimev njálmálattjat ja tjálalattjat tjielggi. Oahppuj gullu akta seminárra man fádda la árbedábálasj duodje ja dan terminologija.

 

Jus sidá ienep diedojt oahpo birra, válde aktijvuodav duodjeoahpo kordináhturijn: Inga Elisa Påve Idivuomain,

e-poassta: ingaepi@samiskhs.no.

Åhtsåmliŋŋka: https://fsweb.no/soknadsweb/login.jsf?inst=sa

OAHPPOPLÁDNA

https://samas.no/
, click to open in lightbox