Malstrøm - Ådåsa kulturhiståvrålasj gaskostim- ja dutkaminstitusjåvnåjs Nordlándan

Árran vuobddá goalmát nummarav tjállagis Malstrøm - Ådåsa kulturhiståvrålasj gaskostim- ja dutkaminstitusjåvnåjs Nordlándan.

Hadde le 100,- kr.

19.12.201710:26 Harrieth Aira

Dán jagásj oajvvetiebmá le sáme histåvrrå ja sebrudahka, ja moattes tjálli duon-dán tiemá birra sáme histåvrån ja sebrudagán Nordlándan. 

Sáme museainstitusjåvnå fylkan oassálassti tjállusij tjállagin. Gå le 100 jage dallutjis gå vuostasj sáme rijkkatjåhkanibme lej, de tjállagin le guhkep tjálos Elsa Laula Renberga birra guhti lij sån gut åttjudij sámijt Roandemij aktisasj rijkkatjåhkanibmáj. Sån åroj Helgalátten Nordlándan. Ietján li duo-dá tjállusa duossta-dássta dagu oarjjelsáme, nuorttasáme, julevsáme ja bidumsáme, ja duodden merrasáme, markasáme ja ällosáme iellemis, ja moadda oase sáme sebrudakiellemis gasskaájges gitta udnátjij.

Dåjmadiddje doajvvu máhtudahka sáme sebrudagájs åvddål ja uddni máhtti oabllot ja jåksåt vijdep låhkkejuohkusijt dájna tjállagijn. 

Árran - Julevsáme guovdátja bargge li tjállám gålmmå tjállusa dán tjállagin. 

Arran/Harrieth Aira
, click to open in lightbox