Rádnastallam 2017/2018

Joarkkep Rádnastallamijn majna lip árrabu vuorbástuvvám! Árran joarkká prosjevtajn Rádnasallam, ja aj dán jage fáladuvvá sierra giellaarena oahppijda 1. dáses 7. dássáj gejn la sámegiella vuostasjgiellan. Oahppe tjuovvu ietjasa klássajt.

13.11.201714:04 Ingrid Kintel

Giellaarena ulmme la mánájt sámástittjat oadtjot, gånnå mánná iesj áktijvalattjat vállji
sámegielav guládallamgiellan. Giellaarenan li nuora gaskan 20-30 jage jådediddje. Dán
prosjevtan la aj nubbe ulmme, máná galggi rádnastallat nuoraj gudi li sæmmi gielladilen dagu
máná ietja, dán láhkáj de lulun nuora sjaddat gielalasj åvddågåvvån mánájda. Gå sámegielak
nuora ja máná æjvvali rádnastallamij de doajvvop dát buktá gielalasj båhtusijt.


Galggap suohtas dåjmajt aktan tjadádit. Dajnas de ij la Rádnastallam degu dábálasj
skåvllåsituasjåvnnå. Máná juo muhtem mærráj sámegielav máhtti, ja Rádnastallam sjaddá
arena gånnå sámegielav bessi adnet. Dát la arena gånnå sámegielas le dárbbo, ja gånnå
sámegiella la kul. Dát la ållu ietjá gå arenav majt máná juo skåvlås dåbddi.
Rádnastallamin galggap suohtas dåjmajt aktan dahkat sámegielajn guládallamgiellan, dajnas
li diedon dåjma guovdátjin. Galggap tjadádit dåjmajt ma mánáj mielas li suohttasa. Aktan
mánáj gárvedip dåjmajt ja ståhkusijt báles bálláj. Juohkka vahko álgon sáddip sms æjgádijda
diedoj dåjmaj birra.


Jus máná galggi sæbrrat rádnastallamij de vierttiji sámegielav ságastit, ælla dåssju nuora gudi
galggi sámástit, máná vierttiji aj gaskanisá ja nuorajda sámástit. Jus máná mielas le vehik
unugis sámástit de oadtju mánná huoman sæbrrat. Jus náginin la dárbbo dárustit de lip
mierredam sierra bájkev gånnå la loahpe dárustit, dat gut sihtá dárustit oadtju de mannat
dasi. Ietján galggá gájkka guládallam sámegiellaj doajmmat.


Ásaduvvá: Juohkka vahko kl 18.00-20.00.

Mánnodagá

Gasskavahko

Duorastagá

1s-A (1.-2. kl)

2s (5.-7.kl)

1s-B (3.-4. kl)


Mánnodagá 20.11, gasskavahko 15.11 ja duorastagá 16.11 æjvvalip vuostasj bále dá tjavtja
Árranin.

, click to open in lightbox
, click to open in lightbox