L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Virggealmodus mánájgárddeåhpadiddje

Berusta gus dån mánájs, le gus dujna miella mánáj mijá mánájgárden barggat?
Mij åhtsåp tjiehpes ja dåjmalasj mánájgárddeåhpadiddjev mijá avta-åssudak mánájgárddáj Ájluovtan. Midja lip tsieggimin ållu ådå mánájgárdev, ja 2020-gidá jåhtep sisi mijá guovte-åssudak mánájgárddáj gåsstå vuojná dav tjáppa Divtasvuonav. Mij sihtap duv guhti le fágalattjat ja ietjastit berusta sámegielas ja kultuvras, ja guhti sidá oassálasstet giela, ståhkama ja sosiálalasj máhtudagá låpptimis.

27.05.201909:41 Birgit Åshild Andersen

Bájkke: Árran mánájgárdde AS, Ájluokta

Åhtsåmmierre: 10.06.19

Bargguj álggem: 19.08.19

Virggetjærdda: Stuoves virgge ållesájggáj

Åhpadusdásse: Mánájgárddeåhpadiddje

Barggodahkamusá

Mánájgárddeåhpadiddjen le, aktan pedagåvgålasj jådediddjijn åvdåsvásstádusáv gárvedit ja tjadádit pedagåvgålasj bargov. Bagádallamvælggo le fáhkabarggijs, viehkkebarggijs ja giellabarggijs.  

Pládnabargojs åvdåsvásstádus ja juhte plána sjaddi åssudagán tjadáduvvat. Sunnun le aj åvdåsvásstádus juhte le buorre aktisasjbarggo ja bæjválasj aktijvuohta åvdåstiddjijn. Sån galggá aktan pedagåvgålasj jådediddjijn åssudaktjåhkanimijt ja æjgátságastallamijt gárvedit. Plánit, tjadádit ja árvustallat mánáj árggabiejvev, bæjválasj vidjurijt ja mánnoplánajt.  Vásstedit vaj juohkka akta mánná berustaláduvvá, jasska le, ja vaj tjuovoduvvá. Sujna le aj åvdåsvásstádus åssudagá aktisasjbargos, bagádallat ja gåhtset vaj mánájgárddeláhka ja rámmapládna dievdeduvvá pedagåvgålasj bargo baktu. Sån galggá oassálasstet åssudagá bæjválasj bargojda. Åttjudit buorre aktisasjbargov mánájgárddáj buorren. Sån la aj pedagåvgålasj jådediddje sadjásasj dárboj milta.

 

Máhtudagá

3-jahkásasj mánágárddeåhpadus/åvddåskåvllååhpadiddjeåhpadus allaskåvlås jali universitiehtas sáme giellamáhtudahka, njálmálattjat ja tjálalattjat

Buorre jådedimmáhtto

Buorre aktisasjbarggotjehpudahka

Máhtá årrot dåjmalasj ja oassálasste ållessjattuk

Vuojnnet juohkka mánáv ja suv dárbojt

 

Persåvnålasj máhtukvuoda

Miella ja berustibme bargguj

Berustallam ja miella mánáj árggabiejves

Dån tjoavddusijt gávna, le buorremielak ja huvsulasj

Dån mánájt, barggoguojmijt ja åvdåstiddjijt vieleda.

 

Mij fállap

Máhttelisvuodajt åhpatjit, sjattatjit ja vuorbástuvátjit

Máhtudaklåpptimav

Tjiehpes berustalle barggoguojmijt

Oassálasstemav julevsámegielak mánájgárddefálaldahkaj

Bálkáv sjiehtadallama milta

Buorre pensjåvnnå- ja buohttidussjiehtadusájt

 

Bulkkeduodastus hæhttu åvddånbuvteduvvat åvddåla virggáj biedjama.
Persåvnålasj dågålasjvuohta dættoduvvá.

 

 

Guládallam ulmusj le

Jådediddje Birgit Andersen

Tlf. 90683009

birgit.andersen@arran.no