L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

ÁRRAN Vuododusá njuolgadusá

Árran - Julevsáme guovdásj/Lulesamisk senter - le vuododus ásaduvvam Stáhtas, Suohkandepartementa baktu, Nordlánda fylkasuohkanis ja Divtasvuona suohkanis. Vuododus galggá tjuovvot doajmme dárkkestim ja ruhtaábjjamrevisjåvnå njuolgadusájt ma li mierreduvvam almulasj vuododusájda.

28.02.201715:39 Martin Rimpi

ÁRRAN - JULEVSÁME GUOVDÁTJA VUODODUSÁ NJUOLGADUSÁ

§ 1

«Árran - julevsáme guovdásj/lulesamisk senter» le vuododus ásaduvvam Stáhtas, Suohkandepartementa baktu, Nordlánda fylkasuohkanis ja Divtasvuona suohkanis. Vuododus galggá tjuovvot doajmme dárkkestim ja ruhtaábjjamrevisjåvnå njuolgadusájt ma li mierreduvvam almulasj vuododusájda. 


§ 2

Vuododusá vuodokapitálla le 210.000,- kr juohkka vuododiddj le máksám 70.000,- kr guhtik. Vuodokapitálla galggá liehket duohtadis. Vuododusá doajmmeháldadus galggá liehket Ájluovtan Divtasvuonan, adressajn 8275 Ájluokta. 


§ 3

Vuododusá ulmmen le Árranav æjggut ja jådedit nasjonalalasj sáme intstitusjåvnnån ja dan baktu nannit, åvddånahttet ja joarkket julevsáme kultuvrav, gielav ja sebrudakiellemav. Institusjåvnnå galggá ietjas dåjma baktu arvusmahttet ja åvddånahttet arvusmahttelis birrusav bájkálasj sáme árvoj ja dábij milta, ja risstalsj kulturárbev vieledit. 


§ 4

Vuododus jådeduvvá 5 stivrrasebrulattjajs. Dá institusjåvnå ja organisjåvnå válljiji geŋga stivvrasebrulattjav ja sadjásattjav: 

Sámedigge
Divtasvuona suohkan
Nordlánda fylkasuohkan
Bájkálasj sámesiebre
Bargge
Gå le sáhka barggijs, de le sij Árrana bargge.

Stivra dahkamus le åvdedit institusjåvnå ulmev vuododusá njuolgadusáj milta ja mierreduvvam budsjehta ævtoj milta. 

Stivrra vuodot ietjas ja vállji jådediddjev ja nubbejådediddjev. Stivrrasebrulattjaj ja sadjásattjaj doajmmaájgge le niellja jage. 

Vuododusá vælggogisvuodav dåjmat stivra jådediddje ja akta stivrrasebrulattjajs. 

Stivrra máhttá prokura-vælggogisvuodav vaddet.


§ 5

Stivrra virggát háldadusjådediddjev. Ietjá bargge virggáduvvi barggij- ja barggonjuolgadusá mærrádusáj milta, ja dá njuolgadusá mierreduvvi stivras. 

Stivran le mærrádusfábmo gå li gålmås tjåhkanam. Jus jienastimijn le jæbddásasj jiednalåhko, de le jådediddjen guokta jiena.  


§ 6

Ietjájduhttema, dán vuolen njuolgadusáj rievddadusá, dagáduvvi fylkamánnes. Mij gullu ássjijda ma gulluji ietjájduhttemijda/njuolgadusrievddadusájda, de hæhttu 2/3 ieneplåhko ålles stivras liehket duogen aktan guorasimijs divna vuododiddjijs åvddåla ássje biejaduvvá fylkamánne avddåj. 

Rivddadusoajvvadusá hæhttuji sáddiduvvat stivrraj 6 vahko åvddåla jus galggi stivras máhttet stivratjåhkanimen giehtadaláduvvat. 


§ 7

Dahkamusá ma e regulieriduvá dájs njuolgadusájs, gulluji lága vuollaj gålgådismáno 10. biejves jagen 1990 Justijssadepartementas vuododusáj j.n.v. njuolgadustjállagij man vuodo le láhka moarmesmáno 23. biejves jagen 1980 nr 11, ja ietjá lága ja láhkatjállusa ma dåjma regulieriji. 

Mierreduvvam vuododimtjåhkanimen vuoratjismáno 27. biejve jagen 1995