L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Guhkásåhpadibme

Árran fálla guhkásåhpadimev juohkka dásen. Åhpadimvuohke le ienemusát guhkásåhpadibme videokonferánsaj studio baktu jali Skype for business baktu. Mij fállap åhpadusáv duon dán skåvlåjda (vuodo- ja joarkkaskåvlåjda) Vuonav miehtáj ja dárboj milta rijkarájá ålggolij. Árran álgij dájna åhpadimvuogijn guovvamánon jagen 1999.

30.01.201711:06 Jørgen Kintel

Åhpadimvuohke le ienemusát guhkásåhpadibme videokonferánsaj studio baktu jali Skype for business baktu. Miján li máhttelisvuoda hiebadit åhpadimvuogev dárboj milta. Skype for business le mijá oajvvevuodo åhpadibmáj. Miján li 2 doajmme guhkásåhpadimstudio, studioa máhtti aj lájggiduvvat ietjá ulmijda. 

Mijá guhkásåhpadibme le åvddånahteduvvam fálatjit oahppijda fálaldagájt gå sihti julevsáme åhpadusáv ja gudi e årromsajijnis jali åhpadiddjevánesvuodas oattjo. Mij fállap åhpadimev duon dán vuodo- ja joarkkaskåvlåjda Vuonav miehtáj. Guhkásåhpadime loahpádusáv gávna åhpaduslága § 6-2. Sámegiela åhpadibme vuodoskåvlån ja § 6-3. Sámegiela joarkkaåhpadus.

Oasse 6-3 §'as javllá; Sámijn joarkkaåhpadusán le rievtesvuoda sámegiellaåhpadussaj. Departemænnta máhttá vaddet láhkatjallusijt ietjá åhpadusvuogijda gå åhpadus ij máhte vatteduvvat skåvlåj ietjasij åhpadime baktu.

Árran álgij dájna åhpadimvuogijn guovvamánon jagen 1999. Mij lip måttij jagij nalluj oadtjum sierra máhtudagájt ja åtsådallamijt guhkásåhpadimes. Mij avtat birges åvddånahttep ja árvustallap ietjama åhpadimev, åhpadimvuogijt, oahpponævojt ja IKT-máhtudagájt. 

Mijá oajvveaktisasjbargge le Nordlánda fylkasuohkan, mijá aktisasjbarggo le formalisieriduvvam ålgoldisævtojsjiehtadusájn. Oahppijlåhko le stuoves, skåvllåjage 2016/2017 le Bådådjo joarkkaskåvllå mij ienemusát vuosstájválldá åhpadimev gudá oahppáj. Mij vuojnnep ájggemerkas jut julevsáme 2. giella le lassánime, madin julevsámegiella 1. giellan binnu. 

Jahke 15/16 16/17
Joarkkaskåvllå 21 20
Vuodoskåvllå 2 1
Oahppe 23 21

 

Guhkásåhpadime ålgoldisævto:

https://www.udir.no/laring-og-trivsel/samisk/rammeverk-for-fjernundervisning/