L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Seminárra: Tråante 2017 mujttádahttem

Buorisboahtem Árrana mujttádahttemij 100-jage vuostasj sáme rijkkatjåhkanimes - Tråante 2017, bierjjedagá ragátmáno 29. biejve Árran Julevsáme guovdátjin, Ájluovtan, Divtasvuonan.

Seminárra aj mierkki dán jagásj Dutkambiejvijt ja Kulturmujttobiejvijt ja le aj oasse aktisasjásadusás gaskan Hamsunguovdátja ja KUN - sympåvsås Markens Grøde 100-jage mujttádahttemis.

Goassa: Ragátmáno 29. bve. kl. 09.15-14.00, 2017 Árran Julevsáme guovdátjin, Ájluovtan, Divtasvuonan.

Bårråmus/káffa kr.300,-.(Ij gullu sidjij gudi li diededam ietjasa tjuovotjit sympåvsåv Markes grøde 100 år gå sij li åvddel juo diededam).

Diededibme: poassta@arran.no jali tlf. 75 77 51 00 åvddål ragátmáno 18. biejve sidjij gudi sihti bårråmusáv/káfav.

17.08.201714:11 Harrieth Aira

Dán jage le 100-jage dallutjis gå vuostasj sáme rijkkatjåhkanibme tjadáduváj Roandemin/Tråantin guovvamáno 6. biejve 1917. Ålles jagev li læhkám mujttádahttema duonna-dánna Sámen. Árran Julevsáme guovdásj bivddi Árrana Tråante 2017 mujttádahttemij. Dav mij dahkap biejve seminárajn gånnå mij aj mierkkip dán jagásj Dutkambiejvijt ja Kulturmujttobiejvijt 2017. Mij aj almodip nuppát vaddusav ietjama diedalasj tjállagis Tjálarájddo. Mijá mujttádahttem le aj aktisasjásadus Hamsunguovdátjijn ja KUNajn Markens Grøde 100-jage ja Tråante 2017 mujttádahttemis.

 

Dán jagásj Kulturmujttobiejve tiebmá le «Kulturmujto sebrudagá dievnastusán». Kulturmujto bukti diehtusin ietjama identitehtav ja subtsasti gudi mij lip ja gåsstå boahtep, ja da nanniji aktisasjvuodav ja diedojt gåsi mij gullup. Dutkambiejvij tiebmá le vas árvo. Sáhka l gåktu mij árvojt váraj válldep ja gåktu árvo li oase mijá iellemis. Sáhka le luondoluohkoj birra, humanistalasj árvo, iellema árvo, identitehta árvo. Midjij aj árvo mierkkiji rievtijt háldadit ja viessot ietjama sebrudagán váni ieneplågojsebrudagá dåhkkidime ja rievtijt ietja háldadit ja subtsastit ietjama histåvråv ja kultuvrav.

 

Gå de tjadnap aktij Kulturmujttobiejvijt, Dutkambiejvijt ja ájnas dáhpádus sámeálmmuga histåvrån - Tråante 2017, de hálijdip tjalmostit sáme kulturmujtojt ja sáme histåvråv mijá guovlojn åvddål ja uddni. Dav mij dahkap seminárajn gånnå tjalmostip sáme kulturmujtojt, merrasáme ællosujtov ja sámenissunij rålla ja sijá sadje sebrudagán. Seminárra l aj oasse aktisasjsympåvsas Hamsunguovdátjijn ja KUNajn Markens Grøde 2017 ja Tråante 2017 mujttádahttemis mij juo álggá biejvet åvddål duorastagá ragátmáno 28. biejve kl.14.00 Bådåddjon (gehtja sierra prográmmav vuollelin), ja mij biejvet maŋŋel sirddá Árranij bierjjedagá ragátmáno 29. biejve ja le oasse dát semináras, ja gånnå gájkka hiejteduvvá Hamsunguovdátjin, Hábmerin, lávvodagá ragátmáno 30. biejve.

 

 

PROGRAMMA

Bierjjedagá ragátmáno 29. biejve

ÁRRAN JULEVSÁME GUOVDÁSJ LULESAMISK SENTER, ÁJLUOKTA-DRAG I TYSFJORD

 

09:15-09.45

Buorisboahtem

Kultuvralasj oasse

 

09:45-10:15

Oddmund Andersen, seniordutke Árran ja  Alf Ragnar Nielssen, professor em. Nuortta universitehtan:

«Almodibme Árrana diedalasj tjállusis Tjálarájddo – nuppát vattos».

Nuppát vaddusin gaskostip dutkamis julevsáme ja oarjjelsáme guovlojn. Artihkaltjoahkke le oajvveboados dutkamaktisasjbargos mij le læhkám sáme museaj gaskan Svierigin ja Vuonan ja Nuortta universitehtajn arkeologijan, histåvrån ja etnologijan.

 

10:15-10:45

Seniordutke ja arkeologa Dr.art. Oddmund Andersen, Árran:

«Kulturmujto ja duobddága Gierggebuodon, Divtasvuonan»

1600-jahkelågon ja 1700-jahkelågon le máhttelis duodastit merrasámeálmmugav ællosujton julevsáme guovlon. Andersen vuoset båhtusijt dutkamprosjevtas gånnå merrasáme ællosujtto duodastahteduvvá.

 

10:45-11:00

Båttåsj

 

11:00-11:30

Seniorrádevadde, arkeologa Arne Håkon Thomassen, Sámedigge:

«Sáme kulturmujto sebrudagá dievnastusán»

Lågådallamin  giehttu Thomassen sáme kulturmujtoj birra mijá guovlon ja gåktu sáme kulturmujto máhtti sjaddat oasse mijá aktisasj mujtos, máhtudahkan ja dádjadibmen ietjama åvdepájges, dálásjájges ja boahtteájges.

 

 

11:30-12:30

Oassálaste sympåvsån Markens Grøde 100-jage (gehtja sierra prográmma vuollelin) jåvsådi Árranij.

Bårråmbåddå

Buorisboahtem Árrana direktørra Lars Magne Andreassen.

 

 

12:30-14:00 VÁRROT! Markens grøde ja rasissma.

Báhkojådediddje: Andreas Lødemel, Hamsunguovdásj

 

12:30-13:00

Professor Ståle Dingstad, UiO: «Rasissma ja antisemitissma Markens Grødan»

 

13:00-13:30

Associate Professor Troy Storfjell, Pacific Lutheran University: «Duohtavuohta ja såbadibme Markens grødan sáme ådåslåhkåmin»

 

13:30-14:00

Museajådediddje, sebrudakdiehtte Harrieth Aira, Árran: «Sáme nissunij sadje julevsáme sebrudagán. Sáme nissunrållaj rievddama»

Lågådallam giehttu Julevsámij duodje (JSD) birra, vuostasj siebrre mij biejaj julevsáme duojev guovdátjin dalloj gå siebrre ásaduváj jagen 1981. Valla siebrre lij aj vuostasj siebrre julevsáme guovlon gånnå sáme nissuna jådedin ja oassálasstin sebrudakdåjmajda.

 

14:00-14:05 Hiejttem

 

14:15     Bussa Hamsunguovdátjij sidjij gudi oassálassti sympåvsån, gehtja sierra prográmmav vuollelin.

Stig Wesslén