L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Åvddåprosjækta gárves

Árrana stivrra le álggám prográmmajn "Árran 2020 jahkáj" mij vihpá gitta vuododusá 25-jahkasasj ávvudallamijda jagen 2020. Akta dájs gålmå oasseprográmmajs le tsiekkadusprográmma man ulmme l åvddånahttemav buktet guovdátja dåjmajda ja máhtukvuodajda dálásj tsiekkadusáv åbddit ja ådå tsiekkadusáj baktu dievddet dárbojt ma uddni ep máhte.

26.04.201709:39 Martin Rimpi

Åvddåprojækta le gálggiduvvam vidnudahkaj Code arkitekter, Oslon, aktisajbargujn vidnudagájn Rambøll, Bodø. Åvddåprosjækta galggá giehtadaláduvvat Árrana stivras åvddåla almoduvvá. Åvddåprosjækta le vihpam biehtsemáno vuostasj biejve rájes ja galggá låhpaduvvat javllamáno jagen 2017. 

Åvddåprosjevta rappårtta gárveduváj snjuktjamánon jagen 2017. Rappårta 70 bielen li tjáleduvvam arkitektåvnålasj ja teknihkalasj oajvvadusá tjoavddusijda, 72 arkitekttjuorggusa ja 5 gåvåj baktu gåvvidusá, ja merustallama.

Prosjevtan li tjuorgaduvvam, tjáleduvvam ja merustaláduvvam ådå mánájgárdde, ådå tsiekkadus kåntåvråjda giellaåssudahkaj, oajvvetsiekkadusá (A) ietjájduhttema musea vuosádusájda, kulturåssudak ja ietján ådåstuhttema kåntåvrralanjájt ja aktisasjlanjájt. Stivrra ij la dálátjij mierredam jut gájkka oasseprosjevta galggi dagáduvvat.

Dán ájggegávdan guoradaláduvvi ruhtadimmáhttelisvuoda 15 oasseprosjevtajda duon dán stuorrudagás. Iesj dat tsiekkadusbargoj álggemplána li jagen 2018, ja ájggomussan la låhpadit bargojt jagijda 2019-2020 ja maŋŋela. Gå prosjækta l stivras dåhkkiduvvam, de sjaddi ienep dahkamusá almoduvvat.