L
Ønsker du å motta nyhetsbrev fra Árran?

Registrer inn din epostadresse under. Du kan også kontakte oss pr epost: poassta@arran.no eller telefon +47 757 75 100

 

w

Bidumsáme bájkenamá

Árrana bidumsáme bájkenammáprosjækta.

Bidumsáme bájkenamá
25.11.201509:47 Harrieth Aira

Prosjevtan lidjin guokta oajveoase; duodastimoasse ja gaskostimoasse.

Guoktatjuode ådå bidumsáme bájkenamá

Duodastimoasen tjoahkkijma, mierkkijma ja gielalattjat guoradalájma bidumsáme bájkenamájt. Boados dát bargos sjattaj lissta 200 “ådå” (ma ællim åvddål mierkkiduvvam) bidumsáme bájkenamá, ma uddni li duodastuvvam. Dájt bájkenamájt lip rádjam Sámedikke bájkenammadievnastussaj ja da li mierkkiduvvam guovdásj bájkenammalåhkusij – nammaoajvvadussan.  

Sirddemvuosádus

Prosjevta gaskostimoasen li bidumsáme bájkenamá tjalmostahteduvvam.

Mij dagájma sirddemvuosádusáv bidumsáme bájkenamáj birra majt gåhttjop “Bidumsáme bájjkenamá– subbtsasa mija birra!”. Vuosádus la goappátjagá bidumsámegiellaj ja dárogiellaj, ja Vuonan le dat akta gallegasj almodusájt gånnå bidumsámegiella aneduvvá.

Sirddemvuosádusáv máhtti ietjá musea ja institusjåvnå luojkkat. Válde mijáj aktijvuodav jus la miella luojkkat sirddemvuosádusáv.

Dájddakártta

Duodden le sáme dájddár Hans Ragnar Mathisen dahkam bidumsáme bájkenamma dájddakártav majt mij lip almodam. Kártta vuoset bidumsáme bájkenamájt tjáledum bidumsámegiellaj ja kártav la Mathisen hiervvim bidumsáme kultuvrra -ja duodjedábij.

Árran vuobddá dájddakártav, válde mijáj aktijvuodav jus hálijda oasstet dav.

Girjje

Duodden lip aj almodam girjátjav bidumsáme bájkenamáj birra Sálton. Girjásj le tjoahkketjálos ja girjen li tjállusa sáme bájkenamáj birra. Girjje l duoddealmodus dájddakárttaj ja sirddemvuosádussaj.

Girjev máhtá diŋŋgut jus mijáj váldá aktijvuodav.

Digitála subttsas

Duodden le almoduvvam tjálos bidumsáme bájkenamáj birra Bájddárin mijá ietjama diedalasj ájggetjállagin Bårjås, ja digitála subttsas la aj almoduvvam nejtsutja birra Hjertlikollenin Bådådjo lahka http://digitaltfortalt.no næhttabielen. Subttsasav máhtá gæhttjat jus tjuovo linkav dánna: http://digitaltfortalt.no/things/jenta-p-hjertlikollen/H-DF/DF.5386 .

 

Mediatjállusa:

http://www.nrk.no/sapmi/vijmak-bajkenama-ietjasa-giellaj-1.12279579

http://www.nrk.no/sapmi/endelig-kart-pa-eget-sprak-1.12279925

http://saltenposten.no/index.php?page=vis_nyhet&NyhetID=7187